ရိပ်သာလမ်း အမှတ် (၁၁၁ C) ရှိ ဒေါ်ရင်ရွှေ၏ နေအိမ်တွင် ညနေ ၅ နာရီ ၅ဝ မိနစ်ခန့်၌ ဝါယာရှော့ခ်ဖြစ်ရာမှ မီးလောင်မှု စတင်ကြောင်း သိရခြင်း ဖြစ်သည်။
အုပ်ညှပ်အမျိုးအစား နှစ်ထပ်တိုက်နေအိမ် မီးဖိုခန်းရှိ လျှပ်စစ်မီးဖိုပေါ်တွင် ဟင်းအိုးတည်ထားပြီး အပြင်သို့ သွားရောက်နေစဉ် မီးဖိုမှ အပူလွန်ကာ လောင်ကျွမ်းခြင်းဟု တိုင်းဗဟိုမီးသတ် တာဝန်ကျက ပြောသည်။
ညနေ ၆ နာရီ ၁၅ မိနစ်အချိန်တွင် မီးစတင်ထိန်းနိုင်ခဲ့ကြောင်းနှင့် ၆ နာရီခွဲတွင် အကုန်အစင် ငြိမ်းသတ်နိုင်ခဲ့သည်ဟု ဆိုသည်။
"အိမ် ၅ လုံး ပါသွားတယ်။ မီးလောင်ပြီး ၁၅ မိနစ်လောက်မှာ မီးသတ်ကားတွေ ရောက်လာတယ်။ အိုးမဲ့အိမ်မဲ့ ဖြစ်တာတော့ လူ ၃ဝ လောက် ရှိတယ်။ အတိအကျတော့ စာရင်းမသိသေးဘူး။ သူတို့ကို ဘယ်လို နေရာချထားမလဲ ဆိုတာလည်း မသိရသေးပါဘူး" ဟု ရပ်ကွက် ရယက အဖွဲ့ဝင်တဦးက မဇ္ဈိမကို ပြောသည်။ မီးသတ်ယာဉ်နှင့် ရေသယ်ယာဉ် ၁ဝ စီးကျော် လာရောက်ငြှိမ်းသတ်ခဲ့သည်ဟု ဆိုသည်။
Source:mizzimaburmese
No comments:
Post a Comment