2012-03-30
မဲဆွယ်စည်းရုံးရေးတွေမှာ ပေါ်ပေါက်နေတဲ့ အခြေအနေတွေအရ အခုကြားဖြတ် ရွေးကောက်ပွဲဟာ တရားမျှတမှု အပြည့်အ၀မရှိဘူးလို့ အန်အယ်လ်ဒီပါတီ ဥက္ကဋ္ဌ ဒေါ်အောင်ဆန်းစုကြည်က ဒီကနေ့ ပြောကြားလိုက်ပါတယ်။
၂၀၁၂ ခုနှစ် မတ်လ ၃၀ ရက်က ရန်ကုန်မြို့ တက္ကသိုလ်ရိပ်သာလမ်း ဒေါ်အောင်ဆန်းစုကြည်၏ နေအိမ်တွင် ကျင်းပသည့် သတင်းစာရှင်းလင်းပွဲ၌ ဒေါ်အောင်ဆန်းစုကြည်က ပြည်တွင်း ပြည်ပ သတင်းထောက်များကို စကားပြောကြားနေစဉ်။
ခြိမ်းခြောက်မှုပေါင်းများစွာ အပါအ၀င် အန်အယ်လ်ဒီ ပါတီရဲ့ ဆိုင်းဘုတ်တွေ ဖျက်ဆီးခံရတာတွေဟာ ဒီမိုကရေစီ ရွေးကောက်ပွဲကျင့်စဉ်နဲ့ သွေဖည်နေပါတယ်။
ဒါပေမယ့် အခြေအနေတွေကို သည်းခံပြီး ပြည်သူလူထု လိုလားတဲ့ အမျိုးသားပြန်လည် သင့်မြတ်ရေးနဲ့ ဒီမိုကရေစီ ရရှိရေးအတွက် ဆက်လက် ကြိုးပမ်းဆောင်ရွက်သွားမယ်လို့ ဒေါ်အောင်ဆန်းစုကြည်က ပြောကြားခဲ့ပါတယ်။
ဒီကနေ့ ကျင်းပတဲ့ သတင်းစာရှင်းလင်းပွဲကို CNN, CBS, BBC, RFA စတဲ့ အနောက်တိုင်းသတင်းဌာနတွေ အပါအ၀င် ပြည်တွင်း ပြည်ပသတင်းထောက် ၃၀၀ ကျော်နဲ့ သံတမန်တွေ တက်ရောက်ခဲ့ကြပါတယ်။
Source:rfa
No comments:
Post a Comment