ဂေါတမမြတ်စွာဘုရားရှင် မဟာသက္ကရာဇ် ၁၀၃ ခု ကဆုန်လပြည့်၊ ဗုဒ္ဓဟူးနေ့(ဘီစီ-၅၈၈)တွင် ဘုရားအဖြစ်ကိုရောက်တော်မူပြီး ၄၉ ရက်အကြာ ဝါဆိုလဆန်း ၅ ရက်နေ့တွင် မဇ္ဇျိမဒေသရောက် အဆိုပါမွန်ကုန်သည်ညီနောင်နှစ်ပါးက သွားရောက်ဖူးမျှော်ခဲ့ခြင်းဖြစ်သည်ဟု ဗုဒ္ဓဝင်စာပေမှတ်တမ်းများမှ သိရသည်။
ယမန်နေ့အခမ်းအနားများမှာ အဆိုပါမွန်ကုန်သည်ညီနောင်နှစ်ပါး ထိုစဉ်ကာလကရရှိခဲ့သော မြတ်စွာဘုရားဆံတော်ဌာပနာတည်ရှိရာ ရန်ကုန်မြို့ရွှေတိဂုံဘုရား စေတီရင်ပြင်တော်နှင့် မွန်ပြည်နယ်၊ ကျိုက်မရောမြို့နယ်၊ ခရုံဂူကျေးရွာအနီးရှိခရုံဂူစေတီများတွင် ကျင်းပပြုလုပ်ခဲ့သည်ဟု သိရသည်။
အခမ်းအနားများတွင် ဂေါတမမြတ်စွာဘုရားအဖြစ်ရောက်ရှိလာပုံနှင့် မွန်ကုန်သည်ညီနောင်နှစ်ပါးအား ဆံတော်များချီးမြှင့်ပြီး ရွှေတိဂုံစေတီတော်တည်ထားကိုးကွယ်ခဲ့ပုံ ဗုဒ္ဓဝင်သမိုင်းအကျဉ်းချုပ်အား ဟောပြောခဲ့သည်ဟု သိရသည်။
ဗုဒ္ဓမြတ်စွာဘုရားပုံ
ယခုခေတ်ထုတ် အချို့ဗုဒ္ဓဝင်သမိုင်းရေးသားချက်တွင် အဆိုပါမွန်ကုန်သည်ညီနောင်နှစ်ပါးအား မြန်မာညီနောင်နှစ်ပါးဟု ပြောင်းလဲရေးသားဖေါ်ပြလာသည်ကို ဖတ်ရှုရသည်။
ခရုံဂူစေတီအခမ်းအနားကျင်းပရာ၌ ဒေသအသီးသီးမှ လူငယ်ပေါင်း (၃၀၀) ကျော် တက်ရောက်ခဲ့ကြပြီး ရွှေတိဂုံစေတီတော်ရင်ပြင်တော်တွင် သာမန်ဘုရားဖူးများကဲ့သို့ သွားရောက်ဖူးမြှော်၍ လှို့ဝှက်ကျင်းပခဲ့ရာ လူငယ် ၄၀ ဦးခန့်တက်ရောက်ခဲ့ကြသည်ဟု သိရသည်။
“ကျနော်တို့ မွန်လူမျိုးက ဘုရားကို ပထမဦးဆုံး ဖူးရတယ်ဆိုတာ အခုမှအသေအခြာသိရတော့တယ်၊ မြင့်မြတ်တဲ့လူမျိုးတမျိုးလို့ အခုလိုသိလိုက်ရတော့ ကိုယ့်လူမျိုးအတွက် အရမ်းကိုဂုဏ်ယူမိတယ်၊ တက်ရောက်လာတဲ့ ဒေသအသီးသီးကလူငယ်တွေကလည်း ကျနော့်ခံစားချက်နဲ့ ထပ်တူပါပဲ” ဟု အခမ်းအနားတက်ရောက်ခဲ့သူ မင်းရာဇာက ပြောသည်။
အဆိုပါအထိမ်းအမှတ်နေ့အခမ်းအနား ပထမအကြိမ်ယခုကဲ့သို့ပြုလုပ်ခဲ့ရာတွင် အခက်အခဲများစွာ မတွေ့ရှိရသည့်အတွက် နောက်လာမည့်နှစ်တွင် ပိုမိုပြုလုပ်သွားမည်ဟုလည်း အခမ်းအနားဖြစ်မြောက်ရေးလှုပ်ရှားသူတဦးက ပြောသည်။
ဂေါတမမြတ်စွာဘုရားအဖြစ်ရောက်တော်မူပြီး (၄၉) ရက်အကြာ ဝါဆိုလဆန်း (၅)ရက်နေ့တွင် မွန်လူငယ်ကုန်သည်နှစ်ပါးက သာသနာ့အမွေအနှစ် (၅) ပါးဖြစ်သည့် ဘုရားကိုပထမဦးဆုံး ဖူးမျော်ခွင့်ရခြင်း၊ သရဏံဂုဏ် ဦးစွာခံယူခွင့်ရခြင်း၊ ဆွမ်းဦးဒါန ဦးစွာလှုဒါန်းခွင့်ရခြင်း၊ တရားဦးနာကြား ခွင့်ရရှိခဲ့ခြင်းနှင့် ဆံတော်အမွေအနှစ်များ ဆက်ခံခွင့်ရရှိသောနေ့ကို အသိမှတ်ပြုသည့်အနေဖြင့် အထိမ်းအမှတ်နေ့ ပြုလုပ်ရခြင်းဖြစ်ကြောင်း သိရသည်။
Source:monnews
No comments:
Post a Comment