ချင်းပြည်နယ် တီးတိန်မြို့နယ်တွင် ယခုလ ၁၇ ရက်နေ့က မြေဆီတင်ဆောင်သည့်ကုန် ကားတစီး တိမ်းမှောက်သွားခဲ့ရာ ကားဆရာ နှင့် သူနာပြုကျောင်းသူတဦးသေဆုံးသွားကြောင်း သိရသည်။အဆိုပါကုန်တင်ကားသည် အိန္ဒိယ – မြန်မာနယ်စပ် တီအိုမှ စစ်ကိုင်းတိုင်းကလေးမြို့သို့ ဓါတ်မြေသြဇာသယ်ယူပြီး အသွားတွင် ကုန်ချိန်လေးလွန်းသွားကြောင့် တ်ိမ်းမှောက်သွားခြင်းဖြစ်ကြောင်း သတင်းရရှိသည်။
“ ဒီကားမျိုးတွေက ပုံမှန်အားဖြင့် မြေဆီအိတ် ၃၀၀ ခန့်သာသယ်လေ့ရှိတယ်၊ အခု အိတ် ၄၀၀ တင်တော့ ကား ဘရိတ် မထိန်းနိုင်လို့ မှောက်သွားတာဖြစ်တယ် ” ဟု မျက်မြင်တဦးက ပြောသည်။
သေဆုံးသူ ကားဆရာ Pu Liam Kam သည် တီးတိန်မြို့နယ် လိုင်တွီးရွာသားဖြစ်ပြီး သေဆုံးသူခရီးသည် အမျိုးသမီးသည် တီးတိန်မြို့နယ် ဟိုင်မွာလ်ရွာသစ်သူ ဖလမ်းမြို့တွင် သူနာပြုသင်တန်းတက်နေသူဖြစ်ကြောင်း ကျောင်းပိတ်ချိန် အိမ်အပြန် တွင် ယခုလို အဖြစ်ဆိုးနဲ့ကြုံကြိုက်သွားခြင်းဖြစ်သည်။
“ သူ့ရှေ့မှာ ကားကြီး တစီးတော့ သွားပြီးပြီ.. သူ့ကားက နည်းနည်း weight များနေတေ့ာ စက်ကြီးသမားတွေက မသွားနဲ့အုံးလို့ ပြောတာ.. သူက နားမထောင်ပဲနဲ့ ဆက်မောင်းတော့ ဖြည်းဖြည်းခြင်း လှိမ့်ကျသွားတယ်… ပေ ၁၀၀ လောက် တော့ လိမ့်ဆင်းသွားတယ်” ဟု မျက်မြင်တဦးက ပြောသည်။
အိန္ဒိနိုင်ငံမှထုတ်လုပ်သော ဓာတ်မြေသြဇာများကို အမှတ်(၂)နယ်စပ်ကုန်သွယ်ရေးလမ်းမှတဆင့် ချင်းပြည်နယ်ကိုဖြတ်ပြီး မြန်မာနိုင်ငံအလယ်ပိုင်း မန္တလေး မှ တရုတ်၊ ထိုင်း နိုင်ငံများသို့ တင်ပို့လျက်ရှိကြောင်း ဟိုင်မွားလ်ရွာရှိ မော်တော်ယဉ် ဂိတ်မှူးတဦးက ပြောသည်။
Source:khonumthungburmese.
No comments:
Post a Comment