2011-02-15
နေပြည်တော်မှာ ဒီကနေ့ ကျင်းပခဲ့တဲ့ လွှတ်တော်မှာ ရွေးကောက်ပွဲ ကော်မရှင် အဖွဲ့ဝင် အရေ အတွက်ကို တည်ပြုခဲ့ပြီး၊ တရားသူကြီးအဖွဲ့ ဖွဲ့စည်းဖို့ အဖွဲ့ဝင် အရေအတွက်ကိုလည်း သမတ ဦးသိန်းစိန်က တင်သွင်းခဲ့တယ်လို့ သတင်းရရှိပါတယ်။
နေပြည်တော်ရှိ လွှတ်တော် အဆောက်အအုံသစ်တွင် ဇန်နဝါရီ ၃၁ ရက်နေ့က အမျိုးသား လွှတ်တော်နှင့် ပြည်ထောင်စု လွှတ်တော် နှစ်ရပ်ပေါင်း ကျင်းပသော ပထမဆုံး လွှတ်တော် အစည်းအဝေး ဖွင့်ပွဲအခမ်းအနားကို MRTV 4 ရုပ်မြင်သံကြားမှ ထုတ်လွှင့် ပြသနေပုံ ဖြစ်ပါသည်။ (Photo: AFP/MRTV 4)
ဒါ့အပြင် ဒီကနေ့ လွှတ်တော်မှာ ပြည်ထောင်စု တရားသူကြီးအဖွဲ့နဲ့ ပတ်သက်ပြီး အဖွဲ့ဝင် ၇ ဦး ထားရှိဖို့ အဆိုတင်သွင်းကြောင်း သိရပါတယ် လွှတ်တော် ကိုယ်စားလှယ် ဦးစိုးဝင်းကပဲ ပြောပြပါတယ်။
“တကယ်ဆိုတော့ တရားသူကြီး အဖွဲ့က သူက ဥပဒေမှာ ထားနိုင်တာက ၇ ယောက်၊ အနည်းဆုံး ၇ ယောက် အများဆုံး ၁၂ ယောက် ထားနိုင်တယ်။ ၇ ယောက် ကျွန်တော်တို့ အဆိုပြုထားတယ်၊ အဲဒါတခုပါပဲ။ အဲဒါကိုလည်း မနက်ဖြန်ကျမှ ကျွန်တော်တို့ အတည်ပြုမှာပါ။”
တရားသူကြီးအဖွဲ့မှာ ၇ ဦး ထားရှိဖို့ ဒီကနေ့ အဆိုတင်သွင်းထားပြီး မနက်ဖြန်မှာ ဆွေးနွေး အတည်ပြုမှာ ဖြစ်ကြောင်း သိရပါတယ်။
ဒီကနေ့ လွှတ်တော် အစည်းအဝေးကို မနက် ၁၀ နာရီမှာ စတင်ခဲ့ပြီး ကျင်းပချိန် ၁၀ မိနစ်သာ ရှိခဲ့တယ်လို့ သိရပါတယ်။
Source:rfa
No comments:
Post a Comment