၂၀၁၀ မေလက မြန်မာနိုင်ငံသို့ ရောက်ရှိစဉ် ဒေါ်အောင်ဆန်းစုကြည်နှင့် တွေ့ဆုံဆွေးနွေးနေသည့် ကာ့တ် ကမ်းဘဲလ် (ယာ)။ ဒေါ်အောင်ဆန်းစုကြည် ၏ ၀ဲ ဘက်တွင်ရှိနေသူမှာ ရန်ကုန် အမေရိကန် သံရုံးမှ လယ်ရီ ဒင်းဂါး ဖြစ်သည်။ (ဓာတ်ပုံ - Reuters)
“မြန်မာ့ ဒီမိုကရေစီအရေးနဲ့ ပတ်သက်ပြီး ကျနော်တို့ စိတ်ပျက်မိသလို မြန်မာနိုင်ငံသားတွေအတွက် စိုးရိမ်နေဆဲပါ။ မကြာခင် ပေါ်ထွက်လာမယ့် အစိုးရအသစ်ရဲ့ခြေလှမ်းတွေကိုလည်း ကျနော်တို့ စောင့်ကြည့်နေပါတယ်”ဟု မစ္စတာ ကာ့တ် ကမ်းဘဲလ် က ပြောသည်။
စစ်အစိုးရ ၏ ပြီးခဲ့သည့်၂၀၁၀ ရွေးကောက်ပွဲအား အမေရိကန် အစိုးရအနေနှင့် စိတ်ပျက်ခဲ့သော်လည်း ဒေါ်အောင်ဆန်းစုကြည် လွတ်မြောက်မှုကို ကြိုဆိုကြောင်း၊ အိုဘားမားအစိုးရနှင့် စစ်အစိုးရကြားထားရှိသည့် တိုက်ရိုက် ထိတွေ့ဆက်ဆံရေး မူဝါဒသည်လည်း အပြောင်းအလဲကို ဖော်ဆောင်ပေးနိုင်ခြင်း မရှိသေးကြောင်း ကာ့တ် ကမ်းဘဲလ် က ပြောဆိုသည်။
မစ္စတာ ကာ့တ် ကမ်းဘဲလ် သည် မြန်မာနိုင်ငံသို့ ၂၀၁၀ ပြည့် မေလ က ဒုတိယ အကြိမ်အဖြစ် ရောက်ရှိခဲ့ပြီး ၂၀၀၉ ခုနှစ် နိုဝင်ဘာလတွင်လည်း တကြိမ်လာရောက်ခဲ့ကာ နှစ်ကြိမ်စလုံးတွင် ဒေါ်အောင်ဆန်းစုကြည်နှင့် တွေ့ဆုံခွင့်ရခဲ့သည်။
Source:irrawaddy
No comments:
Post a Comment