ဒီဇင်ဘာ ၂၅ ရက် ထိုင်းနိုင်ငံ ချင်းမိုင်မြို့ ၀တ်ကူတောဝ် ဘုန်းကြီးကျောင်း၌ နံနက် ၉း၀၀ နာရီ မှ နေ့လည် ၁၂း၀၀ နာရီထိ၊ ဒီဇင်ဘာ ၂၆ ရက် ဘန်ကောက်မြို့ ၀ွတ်မိုင်ခေယန်းနားဝါး ဘုန်းကြီးကျောင်း၌ ထိုင်းနိုင်ငံရောက် သျှမ်းလူမျိုး များက ဂုဏ်ပြုပူဇော်ပွဲကျင်းပမည်ဟုဆို၏။
ယနေ့ ထိုင်း-မြန်မာနယ်စပ် ၀ိန်းဟျန်မြို့နယ် ပိန်းလုံကျေးရွာအုပ်စုမှ ကျေးလက်လူထုပူးပေါင်း၍ ဆရာတော်အား ဂုဏ်ပြုပူဇော်ပွဲကျင်းပသည်ဟု သိရှိရသည်။
သက်တော် ၄၂ နှစ်၊ ၀ါတော် ၂၂ နှစ်ရှိ ဗုဒ္ဓရမ်ကျောင်းထိုင်ဆရာတော်ဥူးမဟာဉာဏိန္ဒော(သျှမ်းနွယ်ဘွား)သည် ၁၉၆၈ ခုနှစ် ၀ိန်းဟျန်မြို့နယ် ပိန်းလုံ၌ မွေးဖွားခဲ့သည်။ ၁၉၈၁ ခုနှစ် ပိန်းလုံဘုန်းကြီးကျောင်း၌ ရှင်သာမဏေပြုခဲ့၏။ ၁၉၈၇ ဘန်ကောက်မြို့ ၀တ်ဆွန်ဖူးခေပန်းရတ် ဘုန်းကြီးကျောင်း၌ ပဉ္ဇင်းတက်ခဲ့သည်။ ဆရာတော်သည် ၁၉၉၃-၉၆ အထိ ဘန်ကောက်ရှိ ဗုဒ္ဓကျောင်းတိုက်များ၌ ဗုဒ္ဓဆိုင်ရာဘာသာရပ်များကို သင်ကြားပေးခဲ့သည်။ ၁၉၉၉ အိန္ဒိယနိုင်ငံ ပိုးနား တက္ကသိုလ် (Pona University)မှ MA ဘွဲ့ရရှိခဲ့ပြီးနောက် ၂၀၀၀ ၀ိန်းဟျန်ရှိ ဖှဝိန်းအင်းကျောင်းတိုက်၌ အင်္ဂလိပ် သာသာသင်ကြားပေးခဲ့သည်။ ၂၀၀၁ ထိုင်းနိုင်ငံသံဃာ့အဖွဲ့အစည်းက ဓမ္မဒူတ-တရားပြ/တရားဟောဆရာတော် အဖြစ် တာဝန်ပေးအပ်ကာ အနောက်နိုင်ငံသို့ စေလွှတ်ခဲ့သည်။ ၂၀၀၄ ခုနှစ် လန်ဒန်မြို့၌ ဗုဒ္ဓရမ်ကျောင်းတိုက် (Buddharam- 77 Blake All Road, Wonstead, London) ကို တည်ဆောက်ခဲ့သည်။
ဆရာတော်ဘုရားသည် အင်္ဂလိပ်ဘာသာစာပေ၊ ထိုင်းဘာသာစာပေ နှင့် မိခင်ဘာသာစကားဖြစ်သည့် သျှမ်းဘာသာ စာပေအပြင် ဗမာစကားလည်း ကျွမ်းကျင်သည်။
No comments:
Post a Comment