အိန္ဒိယ-မြန်မာနယ်စပ် တီယိုချောင်းကျေးရွာမှ ချင်းပြည်နယ်၏မြို့တော် ဟားခါးမြို့သို့ ပြေးဆွဲနေသော ခရီးသည်တင် ဂျစ် ကားတစီး ယမန်နေ့က တိမ်းမှောက်မှုကြောင့် ခရီးသည် ၈ ဦးဒဏ်ရာရရှိခဲ့ပြီး အသေအပျောက်မရှိကြောင်း သိရသည်။
အမှတ်(၂)နယ်စပ်ကုန်သွယ်ရေးဇုံ ချင်းပြည် ဖလမ်းမြို့နယ် နယ်စပ်ချောင်း မှ ခရီးသည် ၁၈ ဦးတင် ဆောင်ကာ ဟားခါးမြို့သို့ပြေးဆွဲသော ဂျစ်ကားတစီးသည် ထန်တလန်မြို့နယ် တလန်လိုးကျေးရွာနားတွင် တိမ်းမှောက်သွားခဲ့ခြင်း ဖြစ်သည်ဟုနယ်စပ်ဒေသခံတဦးကပြောသည်။
ဒဏ်ရာရသူများကို မီဇိုရမ်ပြည်နယ် ကျန်ဖိုင်းမြို့ Farkawn ကျေးရွာဆေးရုံးတွင် ပို့ဆောင်ပြီး၎င်းတို့အထဲ မှ ၂ ယောက်မှာ အခြေအနေစိုးရိမ်ရသောကြောင့် မီဇိုရမ်ပြည်နယ် မြို့တော်အိုင်ဇောလ်သို့ပို့ဆောင်ကြသည်ဟု၎င်းက ပြောသည်။
အဆိုပါကားလမ်းသည် ဟားခါး – ထန်တလန် – တီယို ဆက်သွယ်သောကားလမ်းဖြစ်ပြီး ဒေသခံချင်းပြည်သူများမှ ကိုယ် ထူကိုယ်ထစနစ်ဖြင့် ဖောက်လုပ်သောကားလမ်းဖြစ်သည်။
ချင်းပြည်နယ်၏ကားလမ်းများသည် ကတ္တရာများခင်းထားခြင်းမရှိဘဲ မြေနီလမ်းများဖြစ်သောကြောင့် မိုးတွင်းကာလများ၌ ကားမှောက်မှုမကြာခဏဖြစ်လေ့ရှိသည်။
Source:khonumthungburmese
No comments:
Post a Comment