မြန်မာနိုင်ငံ မြ၀တီမြို့နယ်အတွင်းမှ ထိုင်းနိုင်ငံ မဲဆောက်မြို့နယ်ဘက်သို့ ထပ်မံ တိမ်းရှောင်လာသော ဒုက္ခသည်များ (ဓာတ်ပုံ - ဧရာဝတီ)
နှစ်ဘက် တိုက်ပွဲများနှင့် ပတ်သက်၍ တပ်ရင်းအမည်များကို ရှင်းရှင်း လင်းလင်း မသိရှိရသေးပေ။ သို့သော် ၎င်း ဒေသတွင် DKBA တပ်မဟာ ၅ မှ တပ်မဟာမှူး ဗိုလ်မှူးကြီး နှုတ်ခမ်းမွေး(စောလားပွယ်) ဦးဆောင်သော တပ်ဖွဲ့နှင့် စစ်အစိုးရ၏ စစ်ဆင် ရေး ကွပ်ကဲမှု ဌာနချုပ်(စကခ) ၈ လက်အောက်ခံ တပ်ရင်းများ လှုပ်ရှားနေကြောင်း သိရသည်။
ယခုအခါ စစ်အစိုးရက မြ၀တီမြို့နယ် ဖလူး ဒေသအတွင်း နယ်မြေ စိုးမိုးရေး အတွက် စစ်ဆင်ရေး ပြုလုပ်နေကြောင်း ဒေသခံ များနှင့် နီးစပ်သူ တဦးကဆိုသည်။
ထိုင်းနိုင်ငံသို့ ထွက်ပြေး တိမ်းရှောင်လာသူများသည် ဖလူးကြီးနှင့် ဖလူးငယ် ကျေးရွာဒေသခံအများစု ဖြစ်ကြောင်း ရွာသားများ ကို ယနေ့ နံနက် သွားရောက်တွေ့ဆုံခဲ့သူ နော်အိုင်းရစ်က ဧရာဝတီသို့ ပြောသည်။
နော်အိုင်းရစ်သည် ထိုင်းနိုင်ငံအခြေစိုက် ရွှေ့ပြောင်း ကရင်ဒုက္ခသည်များ ကူညီကယ်ဆယ်ရေးအဖွဲ့ တဖွဲ့ဖြစ်သည့် Committee for Internally Displaced Karen People (CIDKP)မှ မဲဆောက် တာဝန်ခံဖြစ်သည်။
ထို့အပြင် ထွက်ပြေးလာသော ကရင်ရွာသားများကို မဲဆောက်မြို့ရှိ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) နှင့် ထိုင်း-မြန်မာ နယ်စပ်တလျှောက် ကူညီစောင့်ရှောက်ရေး ညွန့်ပေါင်းအဖွဲ့(TBBC) အပါအ၀င် ကျန်းမာရေးနှင့် ဆိုင်သော အဖွဲ့ အစည်း တချို့ယနေ့ နံနက်က သွားရောက် တွေ့ဆုံခဲ့ကြောင်း ၎င်းက ဆိုသည်။
ထိုင်း အစိုးရအနေဖြင့် မြန်မာနိုင်ငံ ဘက်ခြမ်းတွင် တိုက်ပွဲများကြောင့် ထွက်ပြေးလာသော စစ်ပြေး ကရင်ဒုက္ခသည်များကို နယ်စပ် ဖြတ်ကျော်ခွင့် ပေးထားသော်လည်း တိုက်ပွဲများ ရပ်ဆိုင်းသွားသည့် အချိန်တွင် ဒုက္ခသည်များကို မြန်မာနိုင်ငံ ဘက်သို့ ပြန်ခိုင်း လေ့ရှိသည်။
“နေရပ်ပြန်ဖို့ ကိစ္စကတော့ ကျမ မကြားသေးဘူး၊ သူတို့ မသိမ်းရသေးတဲ့ စပါးတွေကတော့ အများကြီး၊ နောက် ပြောင်းတွေ လည်း မပြီးသေးဘူး၊ ပဲတွေရော သူတို့ စားဝတ်နေရေးအတွက် လုပ်ထားတဲ့ဟာတွေတော့ ဒီအတိုင်းပဲ ထားထားရတယ်”ဟု နော်အိုင်းရစ်က ဆက်လက် ပြောဆိုသည်။
နိုဝင်ဘာလဆန်းပိုင်းတွင်လည်း ကရင်ပြည်နယ် ကော့ကရိတ်မြို့နယ် ဝေါ်လေဒေသတွင် စစ်အစိုးရတပ်နှင့် DKBA တပ်ဖွဲ့ဝင် များ တိုက်ပွဲဖြစ်ပွားမှုကြောင့် ဒေသခံ ရွာသား ၄၀၀ ခန့် ထိုင်းနိုင်ငံ တာ့ခ်ခရိုင်၊ ဖုတ်ဖရမြို့နယ် တဖက်ကမ်းသို့ ထွက်ပြေးတိမ်း ရှောင်ခဲ့ရသည်။
မြန်မာနိုင်ငံ မြ၀တီမြို့နယ်အတွင်းမှ ထိုင်းနိုင်ငံ မဲဆောက်မြို့နယ်ဘက်သို့ ထပ်မံ တိမ်းရှောင်လာသော ဒုက္ခသည်များ (ဓာတ်ပုံ - ဧရာဝတီ)
နောက်ဆုံး သတင်းများ အရ ဝေါ်လေဒေသသို့ ယခုရက်ပိုင်းအတွင်း ပစ်ခတ်မှုများ မရှိသော်လည်း စစ်အစိုးရက လက်နက် ကြီး တပ်များကို အင်အား တိုးချဲ့ပို့ဆောင် ထားကြောင်း ဖလူးဒေသခံများက ပြောသည်။
နိုဝင်ဘာလ ၇ ရက်နေ့တွင် ရွေးကောက်ပွဲကျင်းပနေစဉ် မြ၀တီမြို့နယ် ရဲစခန်းနှင့် နယ်စပ်ဂိတ်တချို့ကို DKBAတပ်ဖွဲ့ဝင်များ က ၀ိုင်းထားခဲ့ပြီး နောက်ပိုင်း ကရင်ပြည်နယ် အတွင်း တိုက်ပွဲများ ဆက်လက် ဖြစ်ပွားနေ ခြင်း ဖြစ်သည်။
No comments:
Post a Comment