မိုင်းထားမြို့နယ်ခွဲပြမြေပုံ
မိုင်းတုံမြို့နယ်အတွင်း ဇာတိသားထက် ပုတိသားက ပိုများကြောင်း မိုင်းတုံသားတဦးကလည်းပြောသည်။ အိမ်ခြေ ၁၀၀၀ ကျော် ရှိနားကောင်းမူးအုပ်စုတွင် ပုတိသားမှာ အိမ်ခြေ ၉၀၀ ခန့်ရှိကြောင်း ကာလိကွန်ဟိန်း နမ့်ဇန်၊ ပင်လုံ၊လားရှိုးနှင့် အခြားမြို့နယ် များမှလွန်ခဲ့သည့် ၅ နှစ် ၁၀ နှစ် ကျော်ခန့်က ပြောင်းရွှေ့နေထိုင်ကြသူများဖြစ်ကြောင်း ၊ အာဏာပိုင်များ၏ အဓမ္မနေရာ ပြောင်း ရွှေ့ ခိုင်းမှု ကိစ္စအပေါ်စိုးရိမ်ပူပန် နေကြကြောင်း သိရ၏။
“ မိုင်းတုံမြို့နယ်ထဲကို လာရောက်အခြေချတဲ့ ကုန်သည်တွေ၊ သာမာန်လူတန်းစားတွေ မိုင်းထားကိုပထမအသုတ် အဖြစ်အိမ်ခြေ ၂၀၀ ပြောင်းနေခိုင်းတယ်။ တမြန်နေ့က ဗျူဟာမှူးကိုယ်တိုင် ရပ်ကွက် ကျေးရွာ၊ တိုက်နယ်ဥက္ကဌတွေကို ဆင့်ခေါ်ပြီးပြောတာ။ သက်ကယ် ၄-၅ ချပ်နဲ့ သစ်လေး ၃-၄ ချောင်းပေးမယ်ပြောပြီး ပြောင်းခိုင်းလို့မပြောင်းတဲ့အိမ်တွေ ကိုယ့်ဇာတိမြို့ကိုယ်ပြန် - တဲ့။ အခု ယာယီအိမ်ထောင် စုစာရင်း စစ်ဆေးရွေးထုတ်နေတုန်း။ဘယ်သူပြောင်း ရမယ် ဆိုတာ နာမည်နဲ့တကွတော့ မလာ သေးဘူး ” ဟု နားကောင်းမူးဒေသခံတဦးကလည်းပြောပြသည်။
ယခုလက်ရှိ အိမ်ခြေ ၁၀ လုံးခန့်သာရှိသေးသည့် မိုင်းထားမြို့နယ်ခွဲအမည်သစ်ရ မိုင်းထားရွာသို့ မပြောင်းရွှေ့လိုကြသဖြင့် ထိုင်းသို့သာသွားရောက် အလုပ်လုပ်ကိုင်ကြမည်ဖြစ်ကြောင်း အချင်းချင်းတီးတိုးပြောနေကြသည်ဟုလည်း သိရသည်။
မိုင်းထားကျေးရွာသည် မိုင်းတုံမြို့ အနောက်တောင်ဘက်တွင်တည်ရှိပြီး ၂၀၀၁-၂၀၀၂ နအဖနှင့် ဝ တပ်ဖွဲ့ တို့စုပေါင်းပြီး သျှမ်း ပြည်တပ်မတော် လွယ်တိုင်းလျဲန်းဌါနချုပ်အား တိုက်ခိုက်စဉ်မှစ၍ ယနေ့အထိရွာပျက်ကြီး အဖြစ် ၉-၁၀ အိမ်ခန့် သာကျန် တော့သည်ဟုသိရသည်။ တောင်ပိုင်း ဝ စစ်ဒေသ ၁၇၁ နှင့် သျှမ်းပြည်တပ်မတော်တို့လှုပ်ရှားသည့်နယ်မြေ လည်းဖြစ်သည်။
နယ်စပ်နိုင်ငံရေး စစ်ရေး စောင့်ကြည့်လေ့လာသူတဦးကလည်း - ဘယ်နေရာမဆို မြို့တည်ရင် စစ်တပ်အတွက် အကာအကွယ်ဖြစ်အောင် လူထုကိုအရင်နေခိုင်းတာတွေ့ရတယ်။ တဖက်ကလည်း သူတို့က လူထုကို လိုအပ်တဲ့အချိန် ခိုင်းစား နိုင်တယ်။ အဲလိုအကြံရှိလို့ မြေကွက်ချရောင်းပေးတယ်။ သက်ကယ်လေး သစ်လေးပေးတယ်။ မုန့်ပေး ဒုတ်ပြဆိုတာပေါ့- ဟု သုံးသပ်ပြောဆိုသည်။
Source:mongloi
No comments:
Post a Comment